A súa extracción está rigorosamente regulada. A frota dos portos arousáns de Cambados, O Grove, Rianxo, Ribeira e A Pobra sae a faenar en períodos curtos de tempo, normalmente de novembro a marzo, utilizando a arte de pesca tradicional denominada rastro da vieira. A descarga do marisco realízase na lonxa de Cambados, onde unha empresa autorizada realiza a súa depuración e posterior eviscerado. Tanto as zonas de captura como a arte de pesca, o período de extracción e os procesos de depuración están avalados polo selo de calidade PescadeRías.

BOU DE VARA elabora a vieira en fresco, logo dun proceso de cocción estritamente controlado para manter a súa textura e sabor xenuínos. O envasado efectúase ao xeito tradicional, peza a peza, por mans expertas. Do mar á lata en cuestión de horas, para preservar todas as súas cualidades coa máxima frescura. Preparada en tradicional prebe mariñeiro, a base de cebola, tomate, loureiro, vinagre e aceite de oliva virxe extra. Para desfrutar con todos os sentidos, gozando coa vista nada máis abrir a lata, ata apreciar as súas cualidades no padal. Un manxar gastronómico que marida á perfección con viños brancos secos envellecidos.

Nos últimos meses do ano, en que se permite a súa captura, a frota de bou de vara volve a porto entre outros con volandeiras, o seu produto estrela, molusco bivalvo da mesma familia que a zamburiña e a vieira, pero cunha cuncha máis redondeada e ton alaranxado.

Como outros bivalvos, é unha especie filtradora que se alimenta de fitoplancton. É rica en vitaminas A e B, baixa en graxas, e cun alto contido proteínico e en minerais como calcio, iodo e fósforo.

Envasadas ao xeito tradicional, peza a peza, por mans expertas. Do mar á lata en cuestión de horas, para preservar todas as súas cualidades coa máxima frescura. A volandeira BOU DE VARA preséntase preparada en tradicional prebe mariñeiro, a base de cebola, tomate, loureiro, vinagre e aceite de oliva virxe extra. Para desfrutar con todos os sentidos, gozando coa vista nada máis abrir a lata, ata apreciar o seu sabor e textura no padal. Un manxar gastronómico que marida á perfección con viños brancos secos envellecidos.

Cando as correntes mariñas atlánticas de auga fría (densas e en consecuencia máis profundas) empezan a elevar a súa temperatura á chegada das costas galegas prodúcese o fenómeno coñecido como “de afloramento”. O quencemento provoca unha diminución da súa densidade e comezan a ascender arrastrando os nutrientes do fondo mariño.

Dentro dos polígonos de bateas, aquelas situadas nas zonas máis exteriores son nas que o mexillón accede aos maiores e mellores depósitos de fitoplancton. Destas bateas extráese o noso mexillón, inigualable en tamaño e cualidades organolépticas (cor, sabor e textura).

Envasados ao xeito tradicional, peza a peza, por mans expertas. Do mar á lata en cuestión de horas, para preservar todas as súas cualidades coa máxima frescura. Empregando os mellores ingredientes na súa preparación cun escabeche único. Para desfrutar con todos os sentidos, gozando coa vista nada máis abrir a lata, ata apreciar o seu sabor e textura no padal.

A nosa xoubiña captúrase no mes de xullo, cando as súas características culinarias se atopan no momento óptimo. Os nosos mariñeiros saen “á lusada”, vindo a terra coas primeiras luces do día, cando o peixe está no seu mellor momento de preparación. A xouba retírase da malla unha a unha, mantendo a integridade da escama e da carne, sen amorear para que non se esmague, e con frío natural evitando o contacto directo co xeo.

Envasamos ao xeito tradicional, peza a peza, por mans expertas. O peixe pasa do mar á lata nunhas 4 horas, para preservar todas as súas cualidades coa máxima frescura. Empregando os mellores ingredientes, como aceite de oliva virxe extra na súa máxima proporción. Para desfrutar con todos os sentidos, gozando coa vista nada máis abrir a lata, ata apreciar todo o seu sabor e textura no padal.