Conservas gourmet
de tradición artesá

As nosas conservas baseánse na tradición artesá, desde a obtención da materia prima ata o envasado, á vez que integran a vangarda culinaria e os máis altos estándares de calidade. Con cada lata, poñemos en valor os atributos e potencialidades do produto e da súa contorna, difundindo a cultura xenuina asociada ás súas orixes.

Seleccionamos para Vde. os mellores peixes e mariscos en producións limitadas, con garantía de orixe nas zonas máis sobranceiras das rías galegas. Cada especie obtense no seu momento óptimo de sabor, por profesionais con toda unha vida ligada ao mar, e procésase de inmediato por mans expertas para preservar as súas cualidades coa máxima frescura.

Esta combinación de factores permítennos acadar a excelencia en conservas de produtos do mar. Ao abrir unha das nosas latas, déixese envolver pola experiencia dos sentidos de BOU DE VARA.