Volandeiras do bou de Rianxo en prebe mariñeiro

Volandeiras do bou de Rianxo en prebe mariñeiro

O bou de vara é a arte de pesca que dá nome ás nosas conservas. Escollémolo porque se identifica coa nosa visión tradicional e fortemente arraigada no mundo mariñeiro. Só está autorizado o seu uso na Ría de Arousa, e ocupa un lugar destacado na historia da vila de Rianxo.

Nos últimos meses do ano, en que se permite a súa captura, a frota de bou de vara volve a porto entre outros con volandeiras, o seu produto estrela, molusco bivalvo da mesma familia que a zamburiña e a vieira, pero cunha cuncha máis redondeada e ton alaranxado.

Como outros bivalvos, é unha especie filtradora que se alimenta de fitoplancton. É rica en vitaminas A e B, baixa en graxas, e cun alto contido proteínico e en minerais como calcio, iodo e fósforo.

Envasadas ao xeito tradicional, peza a peza, por mans expertas. Do mar á lata en cuestión de horas, para preservar todas as súas cualidades coa máxima frescura. A volandeira BOU DE VARA preséntase preparada en tradicional prebe mariñeiro, a base de cebola, tomate, loureiro, vinagre e aceite de oliva virxe extra. Para desfrutar con todos os sentidos, gozando coa vista nada máis abrir a lata, ata apreciar o seu sabor e textura no padal. Un manxar gastronómico que marida á perfección con viños brancos secos envellecidos.