Mexillóns das Rías Baixas D.O.P. Mexillón de Galicia en escabeche

Descripción

O mexillón BOU DE VARA cultívase nas mellores zonas das Rías Baixas galegas, onde se estableceron as primeiras bateas a mediados do século XX.

Cando as correntes mariñas atlánticas de auga fría (densas e en consecuencia máis profundas) empezan a elevar a súa temperatura á chegada das costas galegas prodúcese o fenómeno coñecido como “de afloramento”. O quencemento provoca unha diminución da súa densidade e comezan a ascender arrastrando os nutrientes do fondo mariño.

Dentro dos polígonos de bateas, aquelas situadas nas zonas máis exteriores son nas que o mexillón accede aos maiores e mellores depósitos de fitoplancton. Destas bateas extráese o noso mexillón, inigualable en tamaño e cualidades organolépticas (cor, sabor e textura).

Envasados ao xeito tradicional, peza a peza, por mans expertas. Do mar á lata en cuestión de horas, para preservar todas as súas cualidades coa máxima frescura. Empregando os mellores ingredientes na súa preparación cun escabeche único. Para desfrutar con todos os sentidos, gozando coa vista nada máis abrir a lata, ata apreciar o seu sabor e textura no padal.